08.06.2026 | 15:44
Պեսկովը հայտարարել է, թե Կրեմլն արձանագրում է Հայաստանում ընտրախախտումների մասին հաղորդագրությունները
Ֆինլանդիան կփակի սահմանը ռուս զբոսաշրջիկների համար․ ԶԼՄ-ները
Քաղաքականություն
29.09.2022 | 14:08
Ուրբաթ երեկոյան Ֆինլանդիայի սահմանը փակ կլինի ռուս զբոսաշրջիկների համար։ Այս մասին հայտնում է ֆիննական խոշորագույն Helsingin sanomat պարբերականը՝ հղում անելով սեփական աղբյուրներին։
«Սահմանային նոր կանոնները պետք է ուժի մեջ մտնեն հինգշաբթի երեկոյան, եթե միայն կառավարությունն այսօրվա նիստում չփոխի ժամանակացույցը, որն արդեն նախնական համաձայնեցված է»,- ասվում է հաղորդագրությունում։
Սեպտեմբերի 23-ին Ֆինլանդիայի արտաքին գործերի նախարար Պեկկա Հաավիստոն հայտնել էր, որ Հելսինկին հիմնարար որոշում է կայացրել արգելել ռուսների մուտքը երկիր՝ զբոսաշրջության և տարանցիկ ճանապարհով դեպի ԵՄ ու այլ երկրներ մեկնելու նպատակով, ինչպես նաև վերացնել արտոնյալ վիզաներն անշարժ գույքի սեփականության պատճառով:
Տաթև Ֆռանգյան
