21.04.2026 | 22:10
Երևանի և 10 մարզի մի շարք հասցեներում էլեկտրաէներգիայի անջատումներ կլինեն
Զինվորական հաշվառման կանգնած տղամարդիկ չեն կարող լքել Ռուսաստանը․ Վոլոդին
Քաղաքականություն
29.09.2022 | 11:40
ՌԴ Պետդումայի նախագահ Վյաչեսլավ Վոլոդինը հայտարարել է, որ ներկայումս բոլոր նրանք, ովքեր զինվորական հաշվառման են կանգնած, չեն կարող լքել Ռուսաստանը։
Այս մասին նա գրել է Telegram-ում՝ հիշեցնելով «Ռուսաստանի Դաշնությունում զորահավաքի նախապատրաստման և մոբիլիզացիայի մասին» դաշնային օրենքի դրույթները, գրում է RT-ն։«Քաղաքացիներին, ովքեր զինվորական հաշվառման են կանգնած, մոբիլիզացիա հայտարարելու պահից արգելվում է բնակության վայրից հեռանալ՝ առանց ռազմական կոմիսարների թույլտվության»,-հայտարարել է նա։ Վոլոդինն ընդգծել է, որ բոլոր զինապարտները պետք է ղեկավարվեն օրենքի այս դրույթով։ Ավելի վաղ Ղրիմի սենատոր Սերգեյ Ցեկովն առաջարկել էր արգելել զիապարտության տարիքի տղամարդկանց արտասահման մեկնելը։
Ուշագրավ է, որ ՌԴ նախագահին առընթեր Մարդու իրավունքների խորհրդի ղեկավար Վալերի Ֆադեևը Ռուսաստանից մոբիլիզացիայի չափանիշներին համապատասխանող, բայց ծանուցագիր չստացած տղամարդկանց ելքի հնարավոր սահմանափակումներն անվանել է մարդու իրավունքների սահմանափակում։
Հիշեցնենք, որ ՌԴ նախագահ Վլադիմիր Պուտինը սեպտեմբերի 21-ին հրամանագիր է ստորագրել «Ռուսաստանի Դաշնությունում մասնակի մոբիլիզացիա հայտարարելու մասին»։
Տաթև Ֆռանգյան
