30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
ԱՄՆ դեսպանն այցելել է Սյունիք․ Քոչարյանը խոսել է Իրանից և Արևմուտքից զենք գնելուց․ Լուրեր
28.09.2022 | 19:10
- Հայաստանում ԱՄՆ դեսպան Լին Թրեյսին այցելել է Սյունիքի մարզ և հանդիպել մարզպետ Ռոբերտ Ղուկասյանի հետ։ Դեսպանն ասել է, որ այս հակամարտությունը գտնվում է Միացյալ Նահանգների ուշադրության կենտրոնում՝ նույնիսկ այն պարագայում, երբ ավելի լայն տարածաշրջանում կան զուգահեռ ընթացող հակամարտություններ։
- Երկրորդ նախագահ Ռոբերտ Քոչարյանն այսօր անդրադարձել է նաև զենքի գնման հարցին և ասել, որ իր նախագահության և Սերժ Սարգսյանի նախագահության շրջանում այդպիսի խնդիրներ չեն առաջացել, և ինքը չի պատկերացնում, թե ինչու պետք է այդպիսի խնդիրներ առաջանան։ Նա նշել է, որ Ռուսաստանը հիմա Իրանից է ԱԹՍ-ներ գնում, և հարցրել է՝ Հայաստանն ինչո՞ւ չի գնում։ Նա նաև նշել է, որ ՀԱՊԿ անդամ լինելը չի խանգարում նաև Արևմուտքից զենք գնելու հարցում, որովհետև նախկինում Եվրոպայից խոշոր քանակի սպառազինություն է բերվել Հայաստան։
- Ինքնահռչակ Դոնեցկի և Լուգանսկի ժողովրդական հանրապետությունների ղեկավարներ Դենիս Պուշիլինն ու Լեոնիդ Պասեչնիկը մեկնել են Մոսկվա, որպեսզի ավարտին հասցնեն ՌԴ-ի կազմի մեջ մտնելու գործընթացը։ Ռուսական վերահսկողության տակ գտնվող ուկրաինական Խերսոնի և Զապորոժիեյի ղեկավարները նույնպես հայտնել են, որ դիմելու են Ռուսաստանի նախագահին՝ մարզերը Ռուսաստանի կազմ ընդունելու համար։
Այս ժամի լուրերը՝ տեսանյութում։
