03.02.2026 | 23:21
Ֆրանսիան պատրաստ է լիակատար աջակցություն ցուցաբերել Հայաստանին COP17-ի կազմակերպման հարցում
Մենենդեսը նամակ է հղել Բլինքենին՝ կոչ անելով լրացուցիչ միջոցներ ձեռնարկել հայ ժողովրդի կողքին լինելու համար
Քաղաքականություն
28.09.2022 | 12:34
ԱՄՆ Սենատի միջազգային հարաբերությունների հանձնաժողովի նախագահ Բոբ Մենենդեսը նամակ է հղել ԱՄՆ պետքարտուղար Էնթոնի Բլինքենին, որում նա Բայդենի վարչակազմին կոչ է անում լրացուցիչ միջոցներ ձեռնարկել հայ ժողովրդի կողքին կանգնելու համար, երբ նրանք փորձում են հետ մղել Ադրբեջանի կողմից վերսկսված ռազմական ագրեսիան:
«Քանի որ մենք ականատես եղանք Ադրբեջանի վերջին հարձակումներին, վարչակազմը չպետք է նվազագույնի հասցնի ադրբեջանական հարձակման հետևանքները՝ անաչառ երևալու համար։ Նախագահ Բայդենը 2022 թվականին իր ելույթում հայտարարել է, որ «…երբ բռնապետները գին չեն վճարում իրենց ագրեսիայի համար, նրանք ավելի շատ քաոս են առաջացնում։ Միացյալ Նահանգները կարևոր հնարավորություն ունի կանգնելու հայ ժողովրդի կողքին, երբ նրանք փորձում են հետ մղել ավտորիտար ռեժիմի հարձակումը», – գրել է Մենենդեսը:
Հիշեցնենք, որ Բոբ Մենենդեսն ԱՄՆ Սենատ նաև բանաձև է ներկայացրել, որով դատապարտում է Հայաստանի դեմ ադրբեջանական ուժերի անօրինական հարձակումը և կոչ է անում Միացյալ Նահանգներին անհապաղ դադարեցնել անվտանգության ոլորտում Ադրբեջանին ցուցաբերվող ամբողջ օգնությունն ու պատժամիջոցներ կիրառել «Մագնիտսկու օրենքի» համաձայն։
Տաթև Ֆռանգյան
