27.07.2026 | 15:58
Լիտվան ցանկանում է երկրում ելույթ ունեցող ռուս արտիստներին պարտավորեցնել՝ հակապատերազմական հռչակագիր ստորագրեն
ՌԴ-ում զինվորական կոմիսարին աշխատանքից ազատել են՝ «մասնակի մոբիլիզացիայի» ժամանակ սխալների համար
Քաղաքականություն
27.09.2022 | 22:35
ՌԴ Մագադանի շրջանի զինվորական կոմիսար Սերգեյ Բարանովսկին ազատվել է զբաղեցրած պաշտոնից։ Շրջանի նահանգապետ Սերգեյ Նոսովը ՌԻԱ Նովոստիին ասել է, որ պատճառը զինկոմիսարիատում «մասնակի մոբիլիզացիայի» ժամանակ թույլ տված «սխալներն» են։
Սա Ռուսաստանում գրանցված առաջին նմանատիպ դեպքն է, գրում է DW-ի ռուսական ծառայությունը։
Թե կոնկրետ ի՞նչ սխալներ են եղել, ռուսական պետական գործակալությունը չի հայտնել: Տարածաշրջանային «Kolyma.ru» պորտալը, մասնավորապես, գրել է, որ ծանուցումներ են ստացել զինվորական ծառայություն չանցած, մարտական փորձ և ռազմական մասնագիտացում չունեցող տղամարդիկ, ինչպես նաև առողջական և տարիքային սահմանափակումներ ունեցողները։
Հիշեցնենք, որ Ռուսաստանում հայտարարված «մասնակի մոբիլիզացիան» քաոսային է ընթանում․ ցույցեր, զորակոչի հետ կապված թերացումներ, երկրից քաղաքացիների զանգվածային արտահոսք։ Սրան զուգահեռ՝ Կրեմլը խստացնում է զորակոչի կանոնները։
Տաթև Ֆռանգյան
