21.04.2026 | 22:10
Երևանի և 10 մարզի մի շարք հասցեներում էլեկտրաէներգիայի անջատումներ կլինեն
Գերմանիայի Բունդեսթագի փոխնախագահն Էրդողանին «կոյուղու առնետ» է անվանել
Քաղաքականություն
27.09.2022 | 17:35
Գերմանիայի Բունդեսթագի փոխնախագահ, Ազատ դեմոկրատական կուսակցության պատգամավոր Վոլֆգանգ Կուբիցկին նախընտրական միջոցառման ժամանակ վիրավորել է Թուրքիայի նախագահ Ռեջեփ Թայիփ Էրդողանին՝ նրան «կոյուղու առնետ» անվանելով, գրում է DW-ի թուրքական ծառայությունը։
Նա զգուշացրել է կառավարությանը փախստականների նոր հոսքի մասին։ Փախստականների խնդրին անդրադառնալով՝ Կուբիցկին վիրավորել է Թուրքիայի նախագահ Էրդողանին՝ նշելով, որ նա կարող է ներգաղթյալների նոր հոսք բերել։
Թուրքիայի ԱԳՆ-ն արդեն արձագանքել է այս հայտարարություններին։
«Մենք ամենախիստ կերպով դատապարտում ենք Գերմանիայի Դաշնային խորհրդարանի փոխխոսնակ Վոլֆգանգ Կուբիցկիի վիրավորական արտահայտությունները մեր նախագահի հասցեին»,- ասել է ԱԳՆ խոսնակ Թանջու Բիլգիչը։
Նա նշել է, որ գերմանացի քաղաքական գործչի հայտարարություններն անընդունելի են և զուրկ «քաղաքական բարոյականությունից»։
Հաղորդվում է նաև, որ այդ հարցով Թուրքիայի ԱԳՆ-ն է կանչվել Անկարայում Գերմանիայի դեսպանը։
Էմմա Չոբանյան
