16.09.2026 | 20:51
Հեղաշրջման մեջ մեղադրվող Ալիևի աշխատակազմի նախկին ղեկավարի գործը փոխանցվել է դատարան
ՌԴ-ում 25-ամյա երիտասարդը կրակ է բացել զինկոմիսարիատում. ՏԵՍԱՆՅՈՒԹ
Քաղաքականություն
26.09.2022 | 11:16
ՌԴ Իրկուտսկի մարզի Ուստ-Իլիմսկ քաղաքում երիտասարդը կրակ է բացել զինկոմիսարիատում, հայտնում են տեղական լրատվամիջոցները, գրում է BBC-ի ռուսական ծառայությունը: 25-ամյա երիտասարդը, նախանական տվյալներով, վեց կրակոց է արձակել Ուստ-Իլիմսկի զինվորական կոմիսարի վրա։
Տեղեկությունը հաստատել է Իրկուտսկի մարզի նահանգապետ Իգոր Կոբզևը։ «Զինվորական կոմիսար Ալեքսանդր Վլադիմիրովիչ Էլիսեևը գտնվում է վերակենդանացման բաժանմունքում, ծայրահեղ ծանր վիճակում: Բժիշկները պայքարում են նրա կյանքի համար», – ասել է նա։ Կրակոցներ արձակած երիտասարդը ձերբակալվել է։
Հիշեցնենք, որ սեպտեմբերի 21-ին Վլադիմիր Պուտինը հայտարարեց մասնակի զորահավաք կազմակերպելու մասին, որից հետո ՌԴ տարբեր քաղաքներում ընդդեմ զորահավաքի բողոքի ցույցեր սկսվեցին։ Որքանով զինկոմիսարիատում տեղի ունեցած միջադեպը կապ ունի այս դժգոհությունների հետ՝ առայժմ հայտնի չէ։
Զինված միջադեպի տեսագրությունը այս հղումով։
Տաթև Ֆռանգյան
