08.07.2026 | 12:46
Ալի Խամենիի մարմինն Իրաքում է․ հազարավոր մարդիկ են մասնակցել հուղարկավորության երթին
Անիում ՀՀԿ-ական համայնքապետի գլխավորած դաշինքն առաջ անցավ ՔՊ-ից, բայց միանձնյա իշխանություն չի կարողանա ձևավորել․ նախնական տվյալներ
Քաղաքականություն
26.09.2022 | 09:33
Թիվ 33/3 ընտրատեղամասի հանձնաժողովի նախնական տվյալներով Անի խոշորացված համայնքում գրանցվել են ՏԻՄ ընտրությունների հետևյալ արդյունքները․ ընտրություններին մասնակցել է 7861 ընտրող։ Հիշեցնենք, որ 18 բնակավայրերում ձևավորվել էին 20 ընտրատեղամասեր։ ՔՊ-ն հավաքել է 3032 ձայն, գործող համայնքապետ Արտակ Գևորգյանի գլխավորած «Ազգ-համայնք» դաշինքը՝ 3763 ձայն, իսկ «Հայկական երազանքը»՝ 1037։
Անիում ընտրապայքարի մեջ էին 18 տարվա համայնքապետ, ՀՀԿ-ական Արտակ Գևորգյանը, Անիի ավագանու անդամ Ագուն Սաղաթելյանը և Մարալիկի, Արթիկի ու Ախուրյանի «Հայ փոստի» համակարգող Արման Սարիբեկյանը։
Արտակ Գևորգյանը գլխավորում է «Ազգ-համայնք» դաշինքը, Ագուն Սաղաթելյանը՝ «Հայկական երազանքը», իսկ Արման Սարիբեկյանը՝ ՔՊ-ն։
Գործող համայնքապետ Արտակ Գևորգյանի գլխավորած «Ազգ-համայնք» դաշինքը 731 ձայնով առաջ է անցել «Քաղաքացիական պայմանագիր» կուսակցությունից։ Չնայած դրան՝ նախնական հաշվարկով, ո՛չ «Ազգ-համայնք» դաշինքը, ո՛չ էլ ՔՊ-ն չեն կարող միանձնյա իշխանություն ձևավորել։ Մանդատների ընդհանուր թիվն այստեղ 21 է, իսկ ձայների հարաբերակցությունն այնպիսին է, որ քաղաքական ուժերից որևէ մեկը 11 մանդատ չի ստանա մեծամասնություն կազմելու համար։
Արմիկ Մովսիսյան
