20.11.2024 | 20:04
Ադրբեջանի Միլլի Մեջլիսի նախագահը Ռուսաստան է ժամանել
ԱՄՆ-ի զգուշացումը ՀՀ-ում գտնվող իր քաղաքացիներին․ զգոն լինել ու խուսափել սահմանամերձ շրջաններ ճանապարհորդություններից
Քաղաքականություն
23.09.2022 | 17:44
Միացյալ Նահանգները կոչ է անում Հայաստանում գտնվող իր քաղաքացիներին զգոն լինել, զգուշություն ցուցաբերել և խուսափել ճամփորդություններից դեպի Ադրբեջանի հետ սահմանակից շրջաններ։ Հաղորդագրությունը հրապարակվել է Հայաստանում ԱՄՆ դեսպանատան կայքում:
Տեղեկացվում է, որ զինված բախումների պատճառով Հայաստանում բարձրացել է զգուշավորությունը։ Որոշ տարածքներում մեծացել է ռիսկը։
«Սեպտեմբերի 13-14-ը հայ-ադրբեջանական սահմանի հայկական կողմում տեղի ունեցած ռազմական գործողություններից հետո ԱՄՆ դեսպանատան աշխատակիցներին և նրանց ընտանիքի անդամներին արգելվում է որևէ ոչ էական ճանապարհորդություն հետևյալ վայրեր.
• Տավուշի մարզ Մ4 մայրուղու երկայնքով Իջևանից հյուսիս և բոլոր տարածքները դեպի արևելք
• Գեղարքունիքի մարզ՝ Սեւանա լճից արեւելք
• Գեղարքունիքի մարզ ՝ Սևանա լճից հարավ և M10 ավտոճանապարհից արևելք
• Արարատի մարզի Երասխ գյուղ
• Վայոց ձորի մարզ՝ Եղեգնաձորից արևելք
• Սյունիքի մարզ
• Լեռնային Ղարաբաղ մեկնելը շարունակում է արգելված մնալ»,- ասված է ԱՄՆ դեսպանության տարածած հայտարարության մեջ։
Տաթև Ֆռանգյան
