04.11.2026 | 09:33
ՀՀ տարածքում ավտոճանապարհներն անցանելի են
Էրդողանը խոսել է Պրահայում Նիկոլ Փաշինյանի հետ հնարավոր հանդիպման մասին
Քաղաքականություն
22.09.2022 | 18:54
Թուրքիայի նախագահ Ռեջեփ Թայիփ Էրդողանը Նյու Յորքում լրագրողների հետ զրույցում ամփոփել է ԱՄՆ այցի արդյունքները, գրում է Անադոլուն։
Նա անդրադարձել է նաև Հայաստանի հետ հարաբերությունների թեմային, ինչպես նաև պատասխանել ԱՄՆ Ներկայացուցիչների պալատի խոսնակ Նենսի Փելոսիի Երևան այցին վերաբերող հարցին։ Ըստ նրա՝ Փելոսին Հարավային Կովկասում գործընթացների վրա ազդեցության լծակներ չունի։
«Համոզված եմ՝ նրա այցը շատ տեղերում է մտահոգություն առաջացրել։ Ավելորդ անգամ պետք չէ թեման ուռճացնել։ Այսօր մենք շարունակում ենք որոշակի աշխատանք տանել և շուտով համապատասխան քայլեր կձեռնարկենք։ Ներկայում քննարկում ենք Պրահայում Եվրոպական քաղաքական համայնքի նիստին մասնակցելու հարցը։ Եթե մենք որոշենք մեկնել Չեխիա, ենթադրաբար, այնտեղ է լինելու նաև Փաշինյանը։ Հայկական կողմն ավելի վաղ գաղափար էր արտահայտել հանդիպել առաջիկա հարթակում։ Հնարավոր է՝ մենք հնարավորություն կունենանք այնտեղ քննարկել այդ բոլոր հարցերը։ Իհարկե, մենք Կովկասի մասով կունենանք որոշակի նախաձեռնություններ։ Ներկայում ամեն ինչ դեռ ծրագրման փուլում է։ Ես կքննարկեմ այդ հարցերն իմ եղբոր՝ Ադրբեջանի նախագահ Իլհամ Ալիևի հետ, և քայլեր կձեռնարկենք»,- ասել է Էրդողանը։
Էմմա Չոբանյան
