13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
ԱՄՆ սենատորները ճնշում են գործադրում Սպիտակ տան վրա՝ ՀՀ-ի դեմ Ադրբեջանի վերջին ագրեսիայից հետո
Քաղաքականություն
22.09.2022 | 21:43
Հայաստանի դեմ Ադրբեջանի վերջին ագրեսիայից հետո ԱՄՆ նախագահ Ջո Բայդենի վարչակազմի վրա մեծ ճնշում է գործադրվում Բաքվի հետ անվտանգության ոլորտում համագործակցության կապակցությամբ։ Այս մասին գրում է ադրբեջանական «Թուրան»-ը։
Լրատվամիջոցի Վաշինգտոնի թղթակիցը հայտնում է, որ ԱՄՆ 8 սենատորներ, այդ թվում՝ նախագահի նախկին թեկնածուներ, նախօրեին նամակ են ուղարկել պետքարտուղար Էնթոնի Բլինքենին ու պաշտպանության նախարար Լլոյդ Օսթինին։ Նրանք հետաքրքրվում են՝ արդյո՞ք երկրի վարչակազմը պատրաստվում է շարունակել համագործակցել Բաքվի հետ անվտանգության ոլորտում։
Ամերիկացի օրենսդիրները նաև ցանկանում են տեղեկանալ՝ արդյո՞ք ԱՄՆ-ն որևէ օգնություն ցուցաբերել է այն ստորաբաժանումներին, որոնք մասնակցել են Հայաստանի դեմ ագրեսիային։
Նամակը ստորագրել են սենատորներ Էդվարդ Մարկին, Դեբբի Ստաբենոն, Ռոն Ուայդենը, Քրիս Վան Հոլլենը, Բերնի Սանդերսը, Ջեքի Ռոզենը, Քորի Բուքերը։
Սենատորները ենթադրում են, որ չնայած էական սահմանափակումներին՝ Ադրբեջանը շարունակում է ԱՄՆ-ից անվտանգության ոլորտում օգնություն ստանալ։
Վարչակազմը երկու շաբաթ ժամանակ ունի պատասխանելու համար։
Էմմա Չոբանյան
