08.06.2026 | 11:41
426 մլրդ դրամով բարձր ՀՆԱ. տնտեսական աճը գերազանցել է բյուջեի կանխատեսումները. Հովհաննիսյան․ ՏԵՍԱՆՅՈՒԹ
ԵՄ-ին Ուկրաինայի անդամակցության շուրջ բանակցությունները 2023թ․ հոկտեմբերից շուտ չեն սկսվի
Քաղաքականություն
22.09.2022 | 18:40
Եվրահանձնաժողովը կարծում է, որ Եվրամիությանը Ուկրաինայի անդամակցության շուրջ բանակցությունները հազիվ թե սկսվեն 2023 թվականի հոկտեմբերից առաջ։ Այս մասին հայտարարել է ԵՀ հարևանության և ընդլայնման քաղաքականության հարցերով գլխավոր տնօրենի տեղակալ Կատարինա Մատերնովան, հաղորդում է European Truth-ը։
Միևնույն ժամանակ, ավելի վաղ ժամկետները լիովին անհնար չեն, նշել է նա։
«Եթե 2022 թվականի հունվարին ինձ հարցնեիք՝ արդյո՞ք Ուկրաինան հունիսին կդառնա ԵՄ թեկնածու երկիր, ես կասեի, որ դա շատ, շատ․․․ Մի խոսքով՝ դա ուղղակի անհնար է։ Եվ հետո դա հնարավոր դարձավ։ Հետևաբար, ես չէի ցանկանա ասել, որ դա անհնար է, բայց և շատ քիչ հավանական է»,- ասել է Մատերնովան:
Ավելի վաղ Եվրահանձնաժողովի ղեկավար Ուրսուլա ֆոն դեր Լեյենը CNN-ին տված հարցազրույցում ասել էր, որ Եվրամիությունը կշարունակի Ուկրաինային ցուցաբերել անհրաժեշտ ռազմական օգնություն։ Նա ընդգծել է, որ ԵՄ-ն Ուկրաինայի հետ կլինի «այնքան ժամանակ, որքան անհրաժեշտ կլինի»։ ԵՀ ղեկավարի խոսքով՝ Ուկրաինան ապացուցել է, որ ի վիճակի է պաշտպանվել պատշաճ տեխնիկայով։
Տաթև Ֆռանգյան
