23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
ՌԴ արժեթղթերի շուկան Պուտինի ելույթից հետո կտրուկ անկում է ապրել
Քաղաքականություն
21.09.2022 | 17:08
Օրվա սկզբից ռուսական ընկերությունների արժետոմսերը նվազում են՝ ՌԴ նախագահ Վլադիմիր Պուտինի ուղերձի ֆոնին։ Այս մասին են վկայում առևտրային հարթակներից ստացված տվյալները։
Մասնավորապես, ՌԻԱ Նովոստիի փոխանցմամբ, Մոսկվայի բորսայի ինդեքսը, ժամը 10:05-ի դրությամբ, նվազել է 7,8%-ով՝ մինչև 2043 կետ։ РТС-ի ինդեքսն իր հերթին նվազել է 10,7%-ով՝ մինչև 1031 կետ։
Դրանք թարմացնում են, համապատասխանաբար, փետրվարի (2002,73 միավոր) և ապրիլի (1017,86 միավոր) հակառեկորդները։
Հիշեցնենք՝ Ռուսաստանի նախագահ Վլադիմիր Պուտինը մասնակի զորահավաք անցկացնելու մասին հրամանագիր է ստորագրել։ Փաստաթուղթը հրապարակվել է Կրեմլի կայքում։ Դրանում նշված է, որ զորահավաքի ենթակա են միայն պահեստազորում գտնվող քաղաքացիները, նրանք լրացուցիչ պատրաստություն կանցնեն՝ հաշվի առնելով Ուկրաինայում ռազմական գործողությունների փորձը: Զորահավաքային միջոցառումները կմեկնարկեն սեպտեմբերի 21-ից։
Տաթև Ֆռանգյան
