24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Ստանիսլավ Զասին ներկայացրել եմ ՀԱՊԿ-ի վերաբերյալ Հայաստանում տիրող հանրային տրամադրությունները․ Արմեն Գրիգորյան
Քաղաքականություն
21.09.2022 | 14:12
Սեպտեմբերի 21-ին ընդունել եմ ՀԱՊԿ գլխավոր քարտուղար Ստանիսլավ Զասի գլխավորած պատվիրակությանը․ ֆեյսբուքի իր էջում գրել է ՀՀ ԱԽ քարտուղար Արմեն Գրիգորյանը։
«Քննարկել ենք սեպտեմբերի 13-ին Հայաստանի Հանրապետության սուվերեն տարածքի նկատմամբ սանձազերծված ադրբեջանական լայնածավալ ագրեսիայի հետևանքով ստեղծված իրավիճակը:
Վերահաստատել եմ Հայաստանի դիրքորոշումն առ այն, որ ադրբեջանական զորքերն օր առաջ պետք է դուրս գան ՀՀ օկուպացված տարածքներից և Հայաստանի Հանրապետությունն իրեն հասու բոլոր միջոցներով պաշտպանելու է իր տարածքային ամբողջականությունը, անկախությունը և ինքնիշխանությունը:
Քննարկել ենք ՀԱՊԿ պատվիրակության օրակարգի հետ կապված հարցեր: Ներկայացրել եմ նաև ՀԱՊԿ-ի վերաբերյալ Հայաստանում տիրող հանրային տրամադրությունները,- գրել է ՀՀ անվտանգության խորհրդի քարտուղարը։
