07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Ադրբեջանական կողմը հայկական կողմին է հանձնել հայ զինծառայողների 95 մարմին
20.09.2022 | 13:33
Ադրբեջանական կողմը հայկական կողմին է հանձնել հայ զինծառայողների մարմին։ Տեղեկությունը Factor.am-ի հետ զրույցում հաստատեց ԿԽՄԿ հայաստանյան գրասենյակի հաղորդակցման և կանխարգելման ծրագրերի ղեկավար Զառա Ամատունին։
«Մենք մասնակցել ենք այդ գործողությանը որպես չեզոք կողմ։ Չեմ կարող թվեր հաստատել։ Կազմակերպչական աշխատանքը կատարվել է կողմերի կողմից։ Մարմինները փոխանցվել են այսօր մեր ներկայությամբ»,- ասաց Ամատունին։
Նշենք, որ այսօր Ադրբեջանի բանտարկյալների և անհայտ կորած քաղաքացիների պետական հանձնաժողովը հայտնել էր, թե հայկական կողմին է փոխանցվել 95 զինծառայողների մարմիններ։
ՊՆ մամուլի խոսնակ Արամ Թորոսյանը Factor.am-ի հետ զրույցում հաստատեց այս թիվը։
Անժելա Պողոսյան
