04.11.2026 | 17:30
Ինչպե՞ս են էլեկտրական ավտոմեքենաները փոխում հայաստանյան ավտոշուկան․ Ժամանակն է անցնելու էլեկտրական լուծումների
Լուգանսկի և Դոնեցկի անջատականները փորձում են շտապ «հանրաքվեներ» կազմակերպել ՌԴ-ին միանալու հարցով
Քաղաքականություն
20.09.2022 | 15:31
Ինքնահռչակ Դոնեցկի հանրապետության ղեկավար Դենիս Պուշիլինը ինքնահռչակ Լուգանսկի հանրապետության ղեկավար Լեոնիդ Պասեչնիկին առաջարկել է համատեղ «հանրաքվեներ» անցկացնել միջազգային հանրության կողմից չճանաչված այս երկու սուբյեկտների՝ Ռուսաստանին միանալու հարցով, գրում է BBC-ի ռուսական ծառայությունը։
Երկուշաբթի երեկոյան Պուշիլինը հրապարակել է Պասեչնիկի հետ իր հեռախոսազրույցի տեսագրությունը, որը վերաբերում է «հանրաքվեների» նախապատրաստմանը։
«Ես առաջարկ ունեմ միավորել ուժերը՝ մշակելու գործողությունների ալգորիթմ, որը թույլ կտա մեզ սկսել հանրաքվեի նախապատրաստվելու հարցը։ Մենք պետք է միասին որոշ կետեր պատրաստենք, որոշ համաժամանակյա գործողություններ պետք է լինեն»,- Պասեչնիկին ասում է Դենիս Պուշիլինը։
Մինչ այդ՝ երկուշաբթի, այսպես կոչված, «ԼԺՀ հանրային պալատը» դիմել էր Լեոնիդ Պասեչնիկին՝ Ռուսաստանին միանալու հարցով շտապ «հանրաքվե» անցկացնելու խնդրանքով։ Կարճ ժամանակ անց նմանատիպ հայտարարություն տարածեց նաև «ԴԺՀ»-ի հանրային պալատը, որը նույն խնդրանքով դիմեց Դենիս Պուշիլինին։
Տաթև Ֆռանգյան
