27.07.2026 | 22:59
Սևանա լճի մակարդակը հուլիսի 20-26-ը հունվարի 1-ի ցուցանիշից բարձր է 57 սմ-ով
Ուզբեկստանի նախագահը հայտարարել է Իրանի կողմից պարտավորությունների հուշագրի ստորագրման մասին
Քաղաքականություն
16.09.2022 | 18:15
Ուզբեկստանի նախագահ Շավքաթ Միրզիոևը հայտարարել է Իրանի կողմից պարտավորությունների հուշագրի ստորագրման մասին՝ որպես Շանհայի համագործակցության կազմակերպությանը (ՇՀԿ) անդամակցության ընթացակարգի մաս։
«Այսօր Իրանի Իսլամական Հանրապետության կողմից ստորագրվում է պարտավորությունների հուշագիր՝ որպես կազմակերպության լիիրավ անդամ: Մենք ողջունում ենք հուշագրերի ստորագրումը Եգիպտոսի Արաբական Հանրապետությանը և Կատարի պետությանը երկխոսության գործընկերների կարգավիճակ տալու մասին»,- հավելել է նա։
Հիշեցնենք, որ Իրանը հուշագիր է ստորագրել Շանհայի համագործակցության կազմակերպությանը միանալու մասին: Սեպտեմբերի 15-ին Շանհայի համագործակցության կազմակերպության Սամարղանդի գագաթնաժողովի առաջին օրվա ընթացքում փոխըմբռնման հուշագիր է ստորագրվել Իրանի ԱԳՆ ղեկավարի և կազմակերպության գլխավոր քարտուղարի միջև։
Տաթև Ֆռանգյան
