28.02.2026 | 10:18
Լարս ավտոճանապարհը փակ է բոլոր տեսակի տրանսպորտային միջոցների համար
Ալեն Սիմոնյանը՝ Սյուզի Բադոյանին և Անի Գևորգյանին ԱԺ շենքից հեռացնելու մասին․ ՏԵՍԱՆՅՈՒԹ
Հասարակություն
15.09.2022 | 17:25
Այսօր միջադեպ տեղի ունեցավ ԱԺ-ում լրագրողների և ՔՊ խմբակցության պատգամավոր, ԱԺ հաշվիչ հանձնախմբի անդամ Քրիստինե Պողոսյանի միջև։
ԱԺ նախագահ Ալեն Սիմոնյանը մոտեցավ և ՊՊԾ աշխատակիցներին հրահանգեց․ «ԱԺ բնականոն գործունեությունը խաթարելու և քվեարկությունը տապալելու համար երկու լրագրողներին հանել ԱԺ շենքից»։ Խոսքը վերաբերում էր լրագրողներ Անի Գևորգյանին և Սյուզի Բադոյանին։
Լրագրողների հետ զրույցում անդադառնալով հարցին, թե արդյոք չեն պատրաստվում պատգամավորի վարքագիծը քննության առնել, ԱԺ նախագահը պատասխանեց․ «Ո՛չ։ Լրագրողները խաթարել են ԱԺ հաշվիչ հանձնախմբի աշխատանքը, և պատգամավորը ստիպված է եղել լքել, նրան փոխարինել է այլ անդամ։ Դա ոչ այլ ինչ է, քան գործունեության խաթարում, ինչը մեզ իրավունք է վերապահում հեռացնել այդ լրագրողներին, որպեսզի ԱԺ գործունեությունը շարունակվի։
Այդ լրագրողները վաղուց էին սպառել իրենց վարվելակերպի և խոսելաոճի լիմիտը և իրենց շատ վատ էին դրսևորում, պատգամավորներին վիրավորում էին։ Վաղուց պետք էր դա անել, փառք Աստծո, արդեն օրենքն ընդուել ենք»։
Մանրամասները՝ տեսանյութում։
