23.04.2026 | 15:36
Թուրքիան արգելել է 15 տարեկանից փոքր երեխաների մուտքը սոցիալական ցանցեր
Իրանի և Հայաստանի սահմանը պետք է պահպանվի առանց փոփոխության․ Աբդոլլահիանը՝ Բայրամովին
Քաղաքականություն
14.09.2022 | 20:36
Իրանական IRNA գործակալությունը մանրամասներ է հայտնել այսօր տեղի ունեցած Իրանի ԱԳ նախարար Հոսեյն Ամիր Աբդոլլահիանի և Ադրբեջանի ԱԳ նախարար Ջեյհուն Բայրամովի հեռախոսազրույցից։ Նշվում է, որ կողմերը քննարկել են Հարավային Կովկասում վերջին զարգացումները։
Իրանի ԱԳ նախարարը, մտահոգություն հայտնելով Ադրբեջանի և Հայաստանի միջև հակամարտությունների նոր փուլի մեկնարկի կապակցությամբ, ընդգծել է Թեհրանի պատրաստակամությունը՝ օգնելու խաղաղ և քաղաքական ճանապարհով լուծելու հարցը։
«Մենք միշտ շեշտում ենք երկրների տարածքային ամբողջականության պահպանումը, այդ թվում՝ Հայաստանի ու Ադրբեջանի։ Մենք նաև Իրան-Հայաստան սահմանը դիտարկում ենք որպես պատմական հաղորդակցության ճանապարհ, որը պետք է պահպանվի առանց փոփոխության»,- ասել է Աբդոլլահիանը։
Նշելով, որ տարածաշրջանը չի կարող հանդուրժել նոր պատերազմ, Իրանի ԱԳ նախարարը կողմերին զսպվածության կոչ է արել։
Էմմա Չոբանյան
