27.07.2026 | 23:18
Ոստիկանները ձերբակալել են ապօրինի զենք պահող տղամարդուն
Վերցրել եմ պատասխանատվություն գնալ ծանր որոշումների, բայց ծանր որոշում չի նշանակում ՀՀ պետական շահերին հակասող․ Փաշինյան
Քաղաքականություն
14.09.2022 | 19:08
ՀՀ իշխանությունը չի ասում ՀՀ-ն պրոբլեմ չունի, այլ ասում է, որ ՀՀ-ն ունի անվտանգային և գոյաբանական խնդիր և մյուս կողմից՝ ասում է՝ պետք է գնանք այդ հարցերի կարգավորմանը։ Կառավարության հետ հարցուպատասխանի ժամանակ ԱԺ-ում նշեց վարչապետ Նիկոլ Փաշինյանը։
Վարչապետը հայտարարեց, որ իր վրա վերցրել է պատասխանատվություն՝ գնալ ծանր որոշումների՝ հանուն խաղաղության։
«Բայց ծանր որոշումներ չի նշանակում ՀՀ պետական շահերին հակասող որոշումներ։ Մենք այդ որոշումների պետք է գնանք՝ երաշխավորելու Հայաստանի Հանրապետության անվտանգությունը, տևական կայունությունն ու խաղաղությունը։
Մենք չենք կարող այսօր վերնագրերի ներքո գրենք «խաղաղության պայմանագիր», տակը ստորագրենք, որի արդյունքում 6 ամիս հետո նոր պատերազմ կսկսվի։ Մենք ուզում ենք ստորագրել մի թուղթ, որի արդյունքում լիքը մարդ մեզ կքննադատի, լիքը մարդ կհայհոյի, լիքը մարդ «դավաճան» կասի, նույնիսկ կարող է՝ ժողովուրդը որոշի մեզ իշխանությունից հեռացնի։ Էլի գոհ ու շնորհակալ կլինենք, եթե դրա արդյունքում Հայաստանի Հանրապետությունը 29 հազար 800 քառակուսի կմ տարածքով ստանա տևական խաղաղություն և անվտանգություն։ Այն որոշումը, որ սա ապահովելու է, ես, շատ հստակ ասում եմ, ստորագրելու եմ։ Ինձ չի հետաքրքրում հետո ինչ կլինի ինձ հետ, ինձ հետաքրքրում է՝ ինչ կլինի հետո Հայաստանի հետ»,- ասաց վարչապետ Փաշինյանը։
Մանրամասները՝ տեսանյութում։
