27.02.2026 | 10:19
Պակիստանը ռմբակոծել է Քաբուլը և «բաց պատերազմ» է հայտարարել Աֆղանստանին` ամիսներ տևած սահմանային բախումներից հետո
Ուկրաինան և Եվրոպան կհաղթեն․ Ուրսուլա ֆոն դեր Լեյեն
Քաղաքականություն
14.09.2022 | 23:44
Ռուսաստանը կպարտվի պատերազմում, իսկ Ուկրաինան և Եվրոպան կհաղթեն՝ վստահ է Եվրահանձնաժողովի նախագահ Ուրսուլա ֆոն դեր Լեյենը։ Այս մասին նա հայտարարել է Եվրախորհրդարանում ունեցած ելույթի ժամանակ, գրում է Korrespondent-ը։
«Շատ բան է դրված վտանգի տակ: Ոչ միայն Ուկրաինայի, այլ ամբողջ Եվրոպայի և ամբողջ աշխարհի համար: Մեզ կփորձեն նրանք, ովքեր ցանկանում են օգտագործել մեր միջև եղած տարբերությունները: Սա միայն Ռուսաստանի կողմից Ուկրաինայի դեմ սկսված պատերազմ չէ: Սա պատերազմ է մեր էներգետիկայի, մեր տնտեսության դեմ, պատերազմ է մեր արժեքների, մեր ապագայի դեմ, ինքնավարության, ժողովրդավարության դեմ։ Ես այստեղ կանգնած եմ վստահ, որ մեր քաջությամբ և անհրաժեշտ համերաշխությամբ Պուտինը կձախողվի, և Ուկրաինան ու Եվրոպան կհաղթեն»,- ասել է նա։
«Այսօր խիզախությունն անուն ունի՝ Ուկրաինա: Քաջությունը դեմք ունի. դա ուկրաինացի տղամարդկանց և կանանց դեմքերն են, որոնք ոտքի են կանգնել ռուսական ագրեսիայի դեմ»,- հավելել է նա:
Տաթև Ֆռանգյան
