ՀԱՊԿ-ը Հայաստան կուղարկի առաքելություն՝ գլխավոր քարտուղար Զասի գլխավորությամբ՝ իրավիճակը գնահատելու համար։ Այս մասին, ինչպես տեղեկացնում է «ՌԻԱ Նովոստին», նիստի արդյունքներով հայտնել են կազմակերպության քարտուղարությունից։
Առաքելության խնդիրն է լինելու գնահատել իրավիճակը Ադրբեջանի հետ հակամարտության գոտում, զեկույց պատրաստել պետությունների ղեկավարներին և առաջարկներ մշակել լարվածության թուլացման համար։ Առաքելության կազմում կլինեն նաեւ ՀԱՊԿ միացյալ շտաբի ղեկավար, գեներալ-գնդապետ Անատոլի Սիդորովը, կազմակերպության անդամ երկրների ներկայացուցիչներ։
Հիշեցնենք, որ այսօր Երեւանի խնդրանքով կայացել է ՀԱՊԿ Հավաքական անվտանգության խորհրդի առցանց նիստը։
