23.05.2026 | 14:52
ՄԻՊ-ը մեկնարկել է ընտրատեղամասերի մշտադիտարկումը՝ հաշմանդամություն ունեցող անձանց համար մատչելիությունը գնահատելու նպատակով
Ոստիկանի համազգեստով 15 հոգի հերթով ծեծել են Արայիկ Խանդոյանին. փաստաբանը պնդում է՝ «պատվերը վերևից է»
Քաղաքականություն
29.06.2017 | 12:49
Ավան և Նոր Նորք վարչական շրջանների ընդհանուր իրավասության դատարանում երեկ 15 անձ դաժան ծեծի է ենթարկել է «Սասնա ծռեր» խմբավորման անդամ Արայիկ Խանդոյանին: Այս մասին Factor.am-ի հետ զրույցում հայտարարեց նրա փաստաբան Արայիկ Պապիկյանը:
«Խանդոյանը գտնվել է դատարանի շենքում մեկուսացված, ոստիկանի համազգեստով մի խումբ մարդիկ մտել են ու սկսել ծեծել Արայիկ Խանդոյանին , քանի որ տարածքը փոքր է եղել՝ հերթով են մտել, մի մասը ծեծել դուրս է եկել, մյուսներն են մտել: Շատ հարվածներ ստացել է գլխի, երկիամների և ոտքերի հատվածում»,- մեզ հետ զրույցում մանրամասնեց փաստաբանը՝ հավելելով, որ ծեծին զուգահեռ հայհոյել և սպառնացել են Խանդոյանին:
Պապիկյանի պատմելով՝ պատճառն այն է, որ երեկ Արայիկ Խանդոյանը, տեսնելով, թե ինչպես են ծեծելով տանում Արեգ Կյուրեղյանին և Սմբատ Բարսեղյանին, հարցրել է՝ ինչու են ծեծում: Փաստաբանը համոզված է, որ ծեծի հետևանքով Արայիկ Խանդոյանը ուղեղի ցնցում է ստացել, սակայն «Նուբարաշեն» քրեակատարողական հիմնարկում գտնվող Խանդոյանին երկու անգամ այցելած բժիշկները միայն ճնշումն են չափել:
Մեր հարցին՝ ի՞նչ գնահատական կտա տեղի ունեցածին, ինչո՞ւ են իրավապահները նման քայլի դիմել, փաստաբանն ասաց, որ այդ ամենը քաղաքական հաշվեհարդար է:
«Շատ վերևից է հրահանգ եղել, մինչ այս նման դեպքեր չեն եղել: Ոստիկաններն ուղղակի պատվեր են կատարել, նախկինում Խանդոյանի կամ մյուսների նկատմամբ երբեք չի եղել նման դեպք և իրենք չեն հայտնել այդ մասին, և ես չեմ լսել»,- հավելեց փաստաբանը:
Հիշեցնենք՝ «Սասնա ծռերի» գործով դատական նիստերն ուղեկցվում են միջադեպերով, որոնց հետևանքով թե՛ փաստաբանները, թե՛ ամբաստանյալների հարազատները ահազանգում եմ, որ նպատակը մեկն է՝ դատական նիստերը դռնփակ անցկացնել:
Շողիկ Գալստյան
