08.06.2026 | 14:07
ԲՀԿ-ն դիմելու է վերահաշվարկի և չի բացառում ընտրությունների արդյունքների բողոքարկումը
Ինձ որևէ մեկը չի հարցրել՝ որևէ բան արե՞լ ես, որ պատերազմում հաղթենք․ Փաշինյան․ ՏԵՍԱՆՅՈՒԹ
Քաղաքականություն
13.09.2022 | 13:18
«2020 թ. պատերազմից հետո ինձ ուղիղ և հրապարակային հազարավոր հարցեր են ուղղվել հիմնականում այն մասին, թե ինչ եմ արել պատերազմը կանգնեցնելու համար։ Որևէ մեկ չի հարցրել՝ իսկ որևէ բան արե՞լ ես պատերազմը հաղթելու համար»,- ԱԺ-ում պատգամավորների հետ հարցուպատասխան ժամանակ նշեց ՀՀ վարչապետ Նիկոլ Փաշինյանը՝ հավելելով՝ ես անընդհատ սպասում էի, սպասում էի, լավ մեկը կասի՝ լավ, դու վարչապետ ես, երկրի ղեկավար ես․․․։
«Ուր գնում ես, բա` ի՞նչ ես արել կանգնեցնելու համար, Շուշին կտայ՞իր, թե՞ չպիտի տայիր, Շուշին հայկական էր մնալո՞ւ, թե՞ չէր մնալու։ Մի անգամ լսե՞լ եք, ես չեմ հիշում։ Բոլորը հարցրել են՝ ի՞նչ ես արել պատերազմը կանգնեցնելու համար՝ իմանալով պատերազմը կանգնեցնելու գինը, քաղաքական գինը։
Ոչ մեկը 2020-ի 44–օրյա պետրազմից հետո ոչ մի հարց, ոչ մի հարց ոչ մի ֆորմատով՝ ո՛չ հրապարակային, ո’չ ոչ հրապարակային չի հնչել՝ բա որևէ բան արե՞լ ես, որ պատերազմում պաշտպանության բանակը, օրինակ, հաղթի, արե՞լ ես որևէ բան»,- հայտարարեց Նիկոլ Փաշինյանը՝ ընդգծելով, որ այս մտածողությյունը բերում է հետևանքների։
Մանրամասները՝ տեսանյութում։
