18.12.2025 | 19:26
Պապիկյանը ՆԱՏՕ-ի գլխավոր քարտուղարի տեղակալի հետ քննարկել է գործընկերության ընթացքը և զարգացման հեռանկարները
Սյունիքի մարզի Քարահունջ գյուղի ուղղությամբ լարված իրավիճակ է
13.09.2022 | 01:28
Մոտ մեկ ժամ առաջ Ադրբեջանի զինուժի սանձազերծած ռազմական ագրեսիայի հետևանքով Հայաստանի սահմանամերձ բնակավայրերում անհանգիստ իրավիճակ է։ Սյունիքի մարզի Քարահունջ համայնքից մի քանի բնակիչներ Factor.am-ի հետ զրույցում փոխանցեցին, որ 00։00-ի սահմաններում կրակոցներ են լսել, ապա տեսել, թե ԱԹՍ-ներն ինչպես են պտտվում գյուղի տարածքում։ Մեր զրուցակիցների փոխանցմամբ իրավիճակը համայնքում լարված է։
Նշենք, որ Հայաստանի Պաշտպանության նախարարությունը թշնամու ռազմական գործողությունների մեկնարկից որոշ ժամանակ անց միայն հաստատեց տեղեկությունը՝ նշելով, որ սեպտեմբերի 13-ին՝ ժամը 00:05-ից, Ադրբեջանի ԶՈՒ ստորաբաժանումները Գորիսի,Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ: Հակառակորդը կիրառում է նաև ԱԹՍ-ներ:
