08.12.2025 | 16:55
Վրաստանը կթույլատրի Ադրբեջանից Հայաստան վառելիքի մեկանգամյա անվճար փոխադրումը
Ադրբեջանի ԶՈՒ սադրանքը Արցախի գյուղերի ուղղությամբ․ Սիմոնյանը՝ Բաքվի հետ բանակցությունների մասին․ Լուրեր
Քաղաքականություն
12.09.2022 | 16:11
- Գիշերը ժամը 04:00-04:30-ի սահմաններում, Արցախի Մարտունու շրջանի Կարմիր շուկա և Թաղավարդ համայնքների դիմաց տեղակայված դիրքերից ադրբեջանական կողմը կրակահերթեր է բացել տարբեր տեսակի և տրամաչափի հրաձգային զենքերի կիրառմամբ։ Կրակահերթերը տևել են շուրջ 30 րոպե։ Արցախի ՄԻՊ Գեղամ Ստեփանյանը հայտնել է, որ ադրբեջանական հանցավոր գործողությունների հետևանքով տուժել է երկու բնակելի տուն Կարմիր շուկա համայնքում, ևս մեկը Թաղավարդում։ Թաղավարդում հայտնաբերված փամփուշտի գնդակից պարզ է դարձել, որ ադրբեջանցիները կրակել են նաև խոշոր տրամաչափի ԴՇԿ գնդացրով։
- ՀՀ ԱԺ նախագահ Ալեն Սիմոնյանը լրագրողների հետ զրույցում այսօր հայտարարել է, թե Ադրբեջանի հետ բանակցությունները շարունակվում են, որևիցե փակուղի չկա։ Նա նաև անդրադարձել է գումարով զինծառայության ժամանակահատված կրճատելու իրենց նախաձեռնությանը և արդարացրել է այն թեզով, որ մեկ զինվորի ազատվելը երկու արհեստավարժ զինվոր ունենալու հնարավորություն կտա։
- Ուկրաինայի զինված ուժերի հակահարձակողական գործողություններից հետո երկրի նախագահ Վլադիմիր Զելենսկին հայտարարել է, որ Ուկրաինան այս պահին պատրաստ չէ Ռուսաստանի հետ բանակցել Դոնբասում հակամարտության խաղաղ կարգավորման շուրջ։
Այս ժամի լուրերը՝ տեսանյութում։
