06.11.2024 | 10:38
Խաղի կանոնները հստակեցվում են․ Գևորգ Պապոյանը՝ բուժանյութերի ներկրման օրինագծի մասին․ ՏԵՍԱՆՅՈՒԹ
Լիտվան քննարկում է ՌԴ-ին, Բելառուսին և Չինաստանին դիմակայելու ուղիները
Քաղաքականություն
12.09.2022 | 18:43
Լիտվայի նախագահի խորհրդական Կեստուտիս Բուդրիսը կոչ է արել դադարեցնել ցանկացած հարաբերություն Ռուսաստանի, Բելառուսի և Չինաստանի հետ, գրում է Delfi.lt-ը։
«Այն բանից հետո, երբ Լիտվան որևէ երկիր հայտարարում է ահաբեկչական, պետք է պարզ լինի, թե ինչ անել հետո։ Ռուսաստանը ճանաչվել է ահաբեկչությանն աջակցող երկիր, բայց դրա դեմ ոչինչ չի արվել»,- դժգոհել է նախագահի խորհրդականը։
Ըստ Բուդրիսի՝ «Լիտվան պետք է նախանշի ավելի շատ ոլորտներ, որոնցում ոչ միայն Ռուսաստանի, այլև Չինաստանի և Բելառուսի հետ կապեր չպետք է լինեն»: Սա, ըստ նախագահի խորհրդականի, կարող է, օրինակ, ազդել գյուղատնտեսության ոլորտի վրա։
«Անհրաժեշտ է նախանշել այն գործիքները, որոնք կգործեն երկիրն ահաբեկչական ճանաչելու դեպքում։ Մենք Ռուսաստանը որպես այդպիսին հռչակեցինք, բայց ո՛չ իրական, ո՛չ իրավական գործողություններ չհետևեցին։ Սա պետք է փոխել»,- ասել է Բադրիսը:
Նրա հետ համաձայնել է պատգամավոր Դովիլ Շակալիենեն Լիտվայի Սոցիալ-դեմոկրատական կուսակցությունից:
Իր հերթին, պատգամավոր Ռայմունդաս Լոպատան (Լիբերալների շարժում) կարծում է, որ եթե Լիտվայի խորհրդարանը որևէ երկիր ճանաչել է որպես «ահաբեկչական», լիտվական բիզնեսը չպետք է աշխատի նրա հետ։ Նա ասել է, որ խորհրդարանն է որոշում՝ արդյո՞ք դա պետք է գրվի օրենքում։ Լոպատան կարծում է, որ անհրաժեշտ է ապահովել, որ հնարավորինս շատ երկրներ ճանաչեն Ռուսաստանը որպես «ահաբեկչությանն աջակցող» պետություն։
Տաթև Ֆռանգյան
