21.04.2026 | 23:25
Եթե յուրաքանչյուրին ձայնագրես, ամեն մեկը մի բան կասի. Կարապետյանը՝ «շուն ու շանգյալ» բնորոշման մասին. ՏԵՍԱՆՅՈՒԹ
Իմ խոսքերը նախազգուշացում են Հունաստանին․ Չավուշօղլուն կրկին սպառնացել է Աթենքին
Քաղաքականություն
12.09.2022 | 22:03
Թուրքիայի ԱԳ նախարար Մևլութ Չավուշօղլուն կրկին սպառնացել է Հունաստանին՝ տարածաշրջանում, իբր, սադրանքների հետևանքների մասին, գրում է «Անադոլու» գործակալությունը։
«Բոլոր նրանք, որոնք առաջնորդվում են արտաքին ուժերով, դատապարտված են քաղելու իրենց գործողությունների հետևանքները։ Իմ խոսքերը բաց նախազգուշացում են Հունաստանին»,- հայտարարել է Չավուշօղլուն։
Նա նշել է, որ վերջին երկու ամիսներին Թուրքիան, իբր, ամեն ինչ անում է՝ Էգեյան ծովում բարիդրացիական մթնոլորտը պահպանելու համար, իսկ Հունաստանը «շարունակում է սրել իրավիճակը»։
Հիշեցնենք, որ Թուրքիայի նախագահ Ռեջեփ Թայիփ Էրդողանը հայտարարել էր, թե Աթենքին Թուրքիայի պատասխանը կարող է տրվել «ցանկացած գիշեր»։
Նա նաև Հունաստանին կոչ էր արել հիշել պատմությունն ու դասեր քաղել Զմյուռնիայում ժամանակին տեղի ունեցածից։
«Մենք միայն մի բառ ունենք ասելու Հունաստանին՝ մի՛ մոռացեք Իզմիրը (Զմյուռնիա)»,- ասել էր Էրդողանը՝ հիշեցնելով 1922-ին տեղի ունեցած Զմյուռնիայի աղետը՝ տեղի հույն և հայ բնակչության կոտորածը թուրքական զորքերի կողմից։
Էմմա Չոբանյան
