04.11.2026 | 18:42
«Էնպես չի, որ 300 հազար ադրբեջանցիները միանգամից գալու են Հայաստան». Անդրանիկ Գևորգյան․ ՏԵՍԱՆՅՈՒԹ
Բայդենը զանգահարելու է G7-ի առաջնորդներին՝ քննարկելու Ուկրաինային աջակցության հետագա քայլերը․ Bloomberg
Քաղաքականություն
08.09.2022 | 13:05
ԱՄՆ նախագահ Ջո Բայդենն այսօր տեսազանգով զրույց է ունենալու դաշնակիցների հետ՝ քննարկելու Ուկրաինային աջակցության հետագա քայլերը։ Այս մասին հայտնում է Bloomberg-ը՝ հղում անելով իր աղբյուրներին, գրում է BBC-ի ռուսական ծառայությունը։
Զրույցի ենթադրյալ մասնակիցների թվում են G7-ի առաջնորդները, ՆԱՏՕ-ի ու ԵՄ-ի ղեկավարները։ ԱՄՆ նախագահն այսպիսով ձգտում է պահպանել Ուկրաինային աջակցող դաշնակիցների միասնականությունը։
Բանակցությունների նման ձևաչափն օգտագործվել էր պատերազմի առաջին ամիսներին, և հիմա Բայդենը փորձում է դա վերակենդանացնել։ Զրույցը տեղի է ունենալու Լիզ Թրասի՝ Մեծ Բրիտանիայի նոր վարչապետ նշանակումից մի քանի օր անց, որը ցանկանում է դիմակայել Ռուսաստանին։
Ուկրաինան ներկայում հարձակման է անցել երկրի հարավում, իսկ ՌԴ նախագահ Վլադիմիր Պուտինը պատրաստվում է պատերազմի սկզբից ի վեր իր առաջին հանդիպմանը Չինաստանի նախագահ Սի Ցզինպինի հետ։
Իր հերթին, ՆԱՏՕ-ի գլխավոր քարտուղար Յենս Ստոլտենբերգը Financial Times-ում հրապարակված հոդվածում գրել էր, որ պատերազմն այժմ թևակոխում է կրիտիկական փուլ։ Նա նախազգուշացրել է, որ ՆԱՏՕ-ի անդամ երկրներին սպասվում է ծանր ձմեռ՝ «էլեկտրաէներգիայի անջատումներով ու խափանումներով և, հնարավոր է, նույնիսկ քաղաքացիական անկարգություններով»:
Էմմա Չոբանյան
