22.04.2026 | 17:33
Գրոսմայստեր Արամ Հակոբյանը երրորդ տեղն է գրավել միջազգային մրցաշարում
Հանել եռօրյա ծանուցման պահանջը․ նախագծով առաջարկվում է թաքնված աշխատուժի բացահայտման համար ստուգումներն անցկացնել առանց ծանուցման․ ՏԵՍԱՆՅՈՒԹ
Տնտեսություն
07.09.2022 | 12:07
ԱԺ տնտեսական հարցերի մշտական հանձնաժողովի սեպտեմբերի 7-ի նիստում առաջին ընթերցմամբ քննարկվում է ԱԺ պատգամավորներ Հերիքնազ Տիգրանյանի և Նարեկ Զեյնալյանի հեղինակած ««Հայաստանի Հանրապետությունում ստուգումների կազմակերպման և անցկացման մասին» օրենքում փոփոխություններ կատարելու մասին» օրենքի նախագիծը։
Օրենսդրական փոփոխությամբ առաջարկվում է վերացնել առողջապահական և աշխատանքի իրավունքի ոլորտում վերահսկողություն իրականացնելիս ստուգումը սկսելուց առնվազն երեք աշխատանքային օր առաջ տնտեսավարող սուբյեկտին տեղեկացնելու մասին պահանջը: Նախագծի ընդունման արդյունքում ակնկալվում է տեսչական մարմնի կողմից իրականացվող վերահսկողության արդյունավետության բարձրացում:
Հերիքնազ Տիգրանյանի խոսքով՝ ըստ էության, օրենքում խմբագրական բնույթի փոփոխություն է առաջարկվում։
«Հստակեցնում ենք, որ թաքնված աշխատուժի և ոչ պատշաճ աշխատանքային պայմանագրի դեպքերի բացահայտման համար ստուգումները պետք է իրականացնել առանց ծանուցման եռօրյա ժամկետը պահպանելու։ Նպատակը ոչ թե խնդիրը հայտնաբերելը և տնտեսվարողին պատժելն է, այլ իրական պատկերն ունենալը, թե արդյո՞ք ունենք ստվերային՝ թաքնված զբաղվածություն»,- նշեց պատգամավորը։
Մանրամասները՝ տեսանյութում։
