15.12.2025 | 21:26
Հայաստանի մի շարք հասցեներում էլեկտրաէներգիայի անջատումներ կլինեն
Թուրքիան ԱՄՆ-ի հետ գազի մատակարարման շուրջ բանակցություններ է վարում․ ԶԼՄ-ներ
Քաղաքականություն
06.09.2022 | 20:51
Թուրքիայի իշխանություններն ԱՄՆ-ի գործընկերների հետ են բանակցում հեղուկ բնական գազի վերաբերյալ պայմանագրի շուրջ, հայտնում են թուրքական լրատվամիջոցները։
Նշվում է, որ Ռուսաստանը դեռ չի սպառնում Թուրքիային բնական գազի մատակարարումների կրճատմամբ, սակայն անցած ձմռանը չափից շատ սպառման հետևանքով կարող է դեֆիցիտ առաջանալ։
Հաղորդվում է, որ ԱՄՆ-ի հետ բանակցությունները շարունակվում են, այդ թվում՝ ֆինանսական երաշխիքների հնարավորությունի հարցով։ Բանակցությունները տեղի են ունենում այն շրջանում, երբ Եվրոպան բախվում է գազի պակասի խնդրին։
Թուրքիայում բնական գազի գինը սուբսիդավորվում է պետության կողմից, որը դրանք ծածկում է պետական փոխառությունների միջոցով։
Թուրքիան հեղուկ գազի գնման արդեն մի շարք պայմանագրեր է կնքել ԱՄՆ-ում գործող ընկերությունների հետ, քանի որ հրաժարվել է այլ աղբյուրներից բնական գազի մատակարարումներից։ Ընկերությունները հոկտեմբերից հունվար ընկած ժամանակահատվածում ապահովել են Թուրքիայի գազի ներմուծման մոտ 17,4 տոկոսը։ Այդպիսով, նրանք առաջ են անցել Ադրբեջանից և Իրանից՝ Ռուսաստանից հետո երկրորդ տեղը զբաղեցնելով։
Էմմա Չոբանյան
