06.11.2024 | 12:42
ԱԹՍ-ներն առաջին անգամ գրոհել են Դաղստանը
ԵՄ-ն արձագանքել է Հունաստանի հասցեին Էրդողանի հնչեցրած սպառնալիքներին
Քաղաքականություն
06.09.2022 | 15:32
ԵՄ-ն արձագանքել է Թուրքիայի նախագահ Ռեջեփ Թայիփ Էրդողանի՝ օրերս Հունաստանի հասցեին հնչեցրած սպառնալիքներին, գրում են թուրքական լրատվամիջոցները։
«Թուրքիայի քաղաքական ղեկավարության շարունակվող թշնամական արտահայտությունները Հունաստանի հասցեին լուրջ մտահոգություններ են առաջացնում և լիովին հակասում են Արևելյան Միջերկրականում ապաէսկալացիայի անհրաժեշտ ջանքերին։ Սպառնալիքներն ու ագրեսիվ հռետորաբանությունն անընդունելի են և պետք է դադարեցվեն։ ԵՄ-ն վերահաստատում է իր ակնկալիքը Թուրքիայից՝ լրջորեն աշխատել լարվածության թուլացման ուղղությամբ կայուն ձևով՝ ի շահ Արևելյան Միջերկրականում տարածաշրջանային կայունության և լիովին հարգելով ԵՄ անդամ բոլոր երկրների ինքնիշխանությունն ու տարածքային ամբողջականությունը»,- ասվում է ԵՄ արտաքին քաղաքականության պատասխանատու Ժոզեպ Բորելի խոսնակ Պետեր Ստանոյի հայտարարության մեջ։
Հիշեցնենք, որ վերջին շրջանում Էրդողանն ու Թուրքիայի տարբեր պաշտոնյաները պարբերաբար սպառնում են Հունաստանին։ Մասնավորապես, օրերս էլ Էրդողանը Աթենքին կոչ էր արել հիշել պատմությունն ու դասեր քաղել՝ նշելով, որ մեկ գիշերվա ընթացքում թուրքական ուժերը կարող են ներխուժել Հունաստան։
«Մենք միայն մի բառ ունենք ասելու Հունաստանին՝ մի՛ մոռացեք Իզմիրը (Զմյուռնիան)»,- ասել էր Էրդողանը՝ հիշեցնելով 1922-ին տեղի ունեցած Զմյուռնիայի աղետը՝ տեղի հույն և հայ բնակչության կոտորածը թուրքական զորքերի կողմից։
Էմմա Չոբանյան
