18.12.2025 | 23:24
ՀՀ տարածքում ավտոճանապարհները հիմնականում անցանելի են
Դասախոսն ինձնից շատ աշխատավարձ է ստանում. Քրիստինա Պողոսյան․ ՏԵՍԱՆՅՈՒԹ
Տեսանյութեր
05.09.2022 | 12:56
ԱԺ պաշտպանության և անվտանգության հարցերի մշտական հանձնաժողովի նիստում առաջին ընթերցմամբ քննարկվում է «Զինվորական ծառայության և զինծառայողի կարգավիճակի մասին» օրենքում լրացումներ կատարելու մասին նախագիծը:
Նախագծի համաձայն՝ պարտադիր զինվորական ծառայության զորակոչից տարկետում կտրվի նաև բնագիտական, տեխնոլոգիական, ճարտարագիտական և մաթեմատիկական (ԲՏՃՄ) ուղղություններով պետության համար առաջնահերթ և կարևորություն ներկայացնող մասնագիտություններով համապատասխան բուհերում սովորողներին:
Ներկայացնելով նախագիծը՝ ՀՀ ԿԳՄՍ նախարար Վահրամ Դումանյանը հայտարարեց, որ այս խնդիրն առաջացավ անմիջապես, երբ 2017թ․-ին զինապարտության մասին օրենքում փոփոխություն եղավ, և բոլորը պարտավոր էին ծառայել։ «Երբ շատ ուսանողներ ստանում էին տարկետումներ բակալավրում և մագիստրատուրայում, հետո՝ ասպիրանտուրայում, այդտեղ շատերը խնդրի առաջ էին կանգնում, որովհետև մինչև 27 տարեկանը կամ պետք է զորակոչվես, կամ բանակից ազատված լինես։ Ստացվում էր, որ ասպիրանտի կրթությունը կիսատ էր մնում և դառնում անիմաստ մի բան։ Առաջարկում ենք սովորելու համար տարկետում ստացած և 27 տարեկանի հասածների համար տարիքը սահմանել մինչև 28»,- նշեց Վահրամ Դումանյանը։
ԱԺ «Քաղաքացիական պայմանագիր» խմբակցության պատգամավոր Քրիստինա Պողոսյանն արձագանքեց՝ նշելով, որ տարկետմանը կողմ է, բայց իր դիտարկմամբ՝ սա ձևական տարկետում է:
«Արդյո՞ք մեր բուհին պետք են այնպիսի դասախոսներ, որոնք պարտադրված են դասախոս աշխատում, եկել են բուհ՝ բանակից խուսափելու համար…
Այս տարի բարձրացրել ենք դասախոսների աշխատավարձը, դասախոսն ինձնից շատ աշխատավարձ է ստանում, այ դա լավ մոտիվացիա է, որ լավ երիտասարդը վեր կենա, գնա բուհում դասախոս աշխատի:
Նույնիսկ եթե բանակի տեսանկյունից նայենք, ավելի լավ է բանակ գնա կրթություն ստացած երիտասարդը, քան թե ոչ տառաճանաչը»,- նշեց պատգամավորը:
Մանրամասները՝ տեսանյութում:
