06.11.2024 | 14:20
«Դոմոդեդովո»-ում ՀՀ քաղաքացի է ձերբակալվել, որին ռուսական կողմը «վարձկանության» մեջ է մեղադրում
Ռումինիան մտադիր է Թուրքիայից 18 Bayraktar անօդաչու թռչող սարք գնել
Քաղաքականություն
01.09.2022 | 18:54
Ռումինիան ծրագրում է Թուրքիայից 18 միավոր Bayraktar TB2 մարտական անօդաչու թռչող սարք գնել՝ ընդհանուր 300 մլն եվրո արժողությամբ։ Այս մասին հայտնում է Digi24-ը։
Ռումինիայի Պաշտպանության նախարարությունը խորհրդարանին առաջարկել է համաձայնեցնել գնումը։ Խոսքը 18 անօդաչու թռչող սարքերի և ուղեկցող տեխնիկայի մասին է։ Bayraktar TB2 համալիրի արժեքը կախված է կոնֆիգուրացիայից և կարող է տատանվել մեկ միլիոնից մինչև հինգ միլիոն դոլարի շրջանակում:
Այժմ ռումինական բանակը ոչ մի Bayraktar անօդաչու սարք չունի։
Հիշեցնենք, որ Թուրքիան ներկայացրել է Bayraktar-ների նոր մոդել՝ Bayraktar-Kızılelma։ Թուրքական հայտնի անօդաչու թռչող սարքի այս տարբերակը կարելի է արձակել թեթև ավիակրի տախտակամածից, դրա համար բավարար է թռիչքուղու նվազագույն երկարություն։
Տաթև Ֆռանգյան
