20.11.2024 | 18:19
Ռուսական ինքնաթիռից 250 կգ-անոց ռումբն ընկել է ՌԴ Բելգորոդի շրջանի դպրոցի վրա
ԱՄՆ-ը հարվածներ է հասցրել Սիրիայում գտնվող Իսլամական հեղափոխության պահապանների կորպուսի հետ կապված օբյեկտներին
Քաղաքականություն
24.08.2022 | 19:00
ԱՄՆ զինված ուժերը հարվածել են Դեյր Զորի ենթակառուցվածքային օբյեկտներին, որոնք օգտագործում են Իրանի Իսլամական հեղափոխության պահապանների կորպուսի հետ կապված խմբավորումները։ Այս մասին հայտնում է ՌԲԿ-ն՝ հղում անելով ԱՄՆ բանակի Կենտրոնական հրամանատարության (CENTCOM) մամուլի ծառայությունը։
«Նախագահ [Ջո] Բայդենի ցուցումով ԱՄՆ զինվորականներն այսօր (ճշգրիտ հարվածներ են հասցրել սիրիական Դեյր Զորում։ ԱՄՆ-ի հարվածները հասցվել են ենթակառուցվածքների օբյեկտներին, որոնք օգտագործվում են Իսլամական հեղափոխության պահապանների կորպուսի հետ կապ ունեցող խմբավորումների կողմից»,- ասվում է գործակալության հայտարարության մեջ։
Հրամանատարությունը հարվածների համար մեղադրում է կիսառազմական խմբավորումներին, որոնց, ենթադրաբար, աջակցում է Թեհրանը: Զինվորականները պատասխանը համարել են «համաչափ» և բացատրել, որ հարվածներն անհրաժեշտ են՝ էսկալացիայից և նոր զոհերից խուսափելու համար։
CENTCOM-ի ներկայացուցիչ, գնդապետ Ջո Բուչինոն CNN-ին ասել է, որ խոցվել է 11 բունկեր, որտեղ պահվում էին խմբավորումների զինամթերքն ու սարքավորումները։
Reuters-ի փոխանցմամբ՝ օգոստոսի 15-ին իրանական անօդաչու թռչող սարքերը հարձակվել էին ԱՄՆ-ի աջակցությունն ունեցող ընդդիմադիր կոալիցիայի կողմից վերահսկվող տարածքի վրա։
Տաթև Ֆռանգյան
