22.04.2026 | 16:00
ՀՀ դպրոցականները մեդալներ են նվաճել ինֆորմատիկայի միջազգային օլիմպիադայում
Տուժած քաղաքացիները որևէ բան չեն վճարել, չէ՞, պետպատվերով են բուժումը ստացել․ Փաշինյանը՝ Ավանեսյանին
18.08.2022 | 12:03
Պայթյունից հետո տարբեր մարմնական վնասվածքներով ԲԿ-ներ են տեղափոխվել կամ դիմել 62 քաղաքացի, 58-ն առողջացումով դուրս են գրվել: Այս պահին 4 քաղաքացի է գտնվում ԲԿ-ներում, նրանց վիճակը գնահատվում է բավարար, և առաջիկա օրերին ապաքինումով բոլորը դուրս կգրվեն: Այս մասին Կառավարության նիստի ընթացքում հայտնեց առողջապահության նախարար Անահիտ Ավանեսյանը:
«Հիմնականում վնասվածքները եղել են կոտրվածքներ, բեկորային, քերծվածքներ, այրվածքներ, և բոլորը ստացել են ամբողջական բժշկական օգնություն, և հիմնական մասը, հենց առաջին օրը ստանալով տեղում բուժօգնությունը ամբուլատոր կերպով, ուղարկվել են տուն»,- նշեց նախարարը՝ հավելելով, որ լրացուցիչ միջամտությունների, վիրահատությունների անհրաժեշտության դեպքում դրանք իրականացվել են:
«Տուժած քաղաքացիները որևէ բան չեն վճարել, չէ՞, պետպատվերով են բուժումը ստացել»,- ի պատասխան վարչապետ Նիկոլ Փաշինյանի այս հարցադրման՝ Անահիտ Ավանեսյանն ընդգծեց, որ ամբողջ բուժօգնությունն իրականացվել է անվճար և հաջորդիվ, եթե անհրաժեշտություն լինի շարունակական բուժօգնության, նույնպես կլինի անվճար:
Մանրամասները՝ տեսանյութում։
