14.10.2026 | 17:20
OpenAI-ի գրասենյակում գաղտնալսող սարք է հայտնաբերվել․ ՀԴԲ-ն հետաքննություն է իրականացնում
Գագիկ Հարությունյանը ցանկանում է անձամբ կազմել դատավորների ցուցակը. «Ժողովուրդ»
19.05.2018 | 09:37
«Ժողովուրդ» թերթը գրում է.
«Խորհրդարանում դեռևս մեծամասնություն ունեցող ՀՀԿ-ն և Բարձրագույն դատական խորհրդի նախագահ Գագիկ Հարությունյանը (որին, հիշեցնենք, ԲԴԽ կազմում առաջադրել էր ՀՀԿ-ն) փորձում են վերահսկողության տակ պահել հատկապես վարչական դատարանները: Ավելին` այդ դատարանի, դատավորների ցուցակները Հարությունյանը մտադիր է ինքը կազմել:
«Ժողովուրդ» օրաթերթի տեղեկություններով` նման մոտեցման պատճառն այն է, որ վարչական դատարանները քննարկում են ընտրական գործընթացներին վերաբերող հարցերը: Ու քանի որ ՀՀ-ում սպասվում են արտահերթ խորհրդարանական ընտրություններ, ՀՀԿ-ի կողմից ԲԴԽ միջոցով փորձ է կատարվում պահպանել վերահսկողությունը դատական իշխանության նկատմամբ:
Ի վերջո, այս դատարանը կարող է, օրինակ, որևէ գրանցում անվավեր ճանաչել` այդպես կանաչ լույս վառելով ՀՀԿ-ականների առաջ: Իսկ պարտվող կողմը զրկված է դատական ակտը բողոքարկելու հնարավորությունից, քանի որ ՀՀ վարչական դատարանի կայացրած դատական ակտերն ուժի մեջ են մտնում հրապարակման պահից և բողոքարկման ենթակա չեն»:
Առավել մանրամասն՝ թերթի այսօրվա համարում:
