12.10.2026 | 19:04
Միլիոններ՝ բյուջեի հաշվին․ ավագանու ՔՊ-ական անդամի ընկերությունը պայմանագրեր է կնքում համայնքի հետ. ՏԵՍԱՆՅՈՒԹ
Ինչո՞ւ է ՀՀ Նախագահ Արմեն Սարգսյանը ռուսական պաղպաղակ հյուրասիրել փոքրիկներին
Հասարակություն
18.05.2018 | 18:36
Հանրապետության Նախագահ Արմեն Սարգսյանն այսօր իր նստավայրում հյուրընկալել է Երևանի թիվ 7 նախավարժարանի մի խումբ սաների. տեղեկացնում է ՀՀ նախագահի աշխատակազմի հասարակայնության հետ կապերի բաժինը: Ըստ տարածված հաղորդագրության՝ օրեր առաջ Հանրապետության Նախագահն իր նստավայրի մոտ պատահաբար հանդիպել էր փոքրիկներին և նրանց հրավիրել նախագահական նստավայր՝ խոստանալով պաղպաղակ հյուրասիրել:
Իր փոքրիկ հյուրերին Նախագահ Արմեն Սարգսյանն այսօր նախ ցույց է տվել իր աշխատասենյակը, որտեղ զրուցել է նրանց հետ, ծանոթացրել նախագահական իշխանության խորհրդանշանի նշանակությանը և պատմությանը:
Այնուհետև երեխաները Հանրապետության Նախագահի հետ վայելել են նրա խոստացած և հյուրասիրած պաղպաղակը:
Անշուշտ մանուկներին պաղպաղակ հյուրասիրելը լավ նախաձեռնություն է, անկախ այս նախաձեռնության PR ենթատեքստից: Սակայն տարակուսելի է այն, որ Հայաստանի Նախագահը փոքրիկներին հյուրասիրել է ոչ թե հայրենական , այլ օտարերկրյա, ավելի կոնկրետ՝ ռուսական արտադրության «Коровка» պաղպաղակ: Դժվար է ասել՝ արդյոք այս ընտրությունը պայմանավորված է եղել Արմեն Սարգսյանի անձնական նախասիրություններով , սակայն փաստ է այն, որ Հայաստանի Հանրապետության նախագահը անուղղակիորեն գովազդել է ռուսական արտադրության պաղպաղակ:
