20.06.2026 | 23:35
ԱԱ-2026. Նիդերլանդները 5 գոլ խփեց Շվեդիային. ՏԵՍԱՆՅՈՒԹ
Հայտնաբերվել են ՀՀ և Իրանի իրավապահների կողմից հետախուզվողները
Հասարակություն
30.07.2022 | 16:02
Ոստիկանության ՔՈԳՎ, Աշտարակի և Կենտրոնական բաժինների քրեական հետախույզները համատեղ միջոցառումներով Աշտարակ քաղաքի հանգստի գոտիներից մեկում հայտնաբերել և Կենտրոնական բաժին են բերել 33-ամյա Գագիկ Ս.-ին, որը հուլիսի 16-ից հետախուզվում էր ՀՀ նախկին քրեական օրենսգրքի 225-րդ հոդվածի մեղադրանքով:
Խափանման միջոցը՝ կալանք․ տեղեկացնում են ՀՀ ոստիկանությունից։
Ոստիկանության Տարոնի բաժնի ՔՀԲ ծառայողների ձեռնարկած միջոցառումների և բացատրական աշխատանքի շնորհիվ հուլիսի 29-ին բաժին է ներկայացել 2021 թ. նոյեմբերի 12-ից ՀՀ նախկին քրեական օրենսգրքի 34-177-րդ հոդվածի (Գողության փորձը) մեղադրանքով դատաքննությունից խուսափելու համար հետախուզվող 30-ամյա Հրաչյա Դ.-ն:
Նա ներկայացվել է նախաքննական մարմնին:
Խափանման միջոցը՝ ստորագրություն:
Հուլիսի 30-ին, ժամը 01.20-ին, Բագրատաշենի սահմանային վերահսկողության բաժնից ոստիկանության Նոյեմբերյանի բաժին է տեղափոխվել 36-ամյա Ալի Մ.-ն, որը 2020 թ. մարտի 3-ից հետախուզվում էր Իրանի Իսլամական Հանրապետության քրեական օրենսգրքի 621-րդ հոդվածի (Ընտանեկան բռնությունը) մեղադրանքով:
Խափանման միջոցը՝ կալանք:
Հայտնաբերման մասին տեղյակ է պահվել հետախուզումը նախաձեռնողին:
