Քաղաքականություն
28.07.2022 | 19:48
Օդային տրանսպորտի դաշնային գործակալությունը երկարաձգել է Ռուսաստանի հարավային և կենտրոնական հատվածների օդանավակայաններ թռիչքների արգելքը մինչև օգոստոսի 5-ը՝ Մոսկվայի ժամանակով ժամը 03:45-ը։
Արգելքը վերաբերում է Անապայի, Բելգորոդի, Բրյանսկի, Վորոնեժի, Գելենջիկի, Կրասնոդարի, Կուրսկի, Լիպեցկի, Դոնի Ռոստովի, Սիմֆերոպոլի և Էլիստայի օդանավակայաններին։
Ռուսաստանի Դաշնության հարավային օդանավակայաններ թռիչքների սահմանափակումները մտցվել են փետրվարի 24-ին՝ Ուկրաինա ռուսական ներխուժման սկսվելուց հետո։
«Ռոսավիացիան» 26-րդ անգամ երկարացնում է թռիչքների սահմանափակումը։ Գերատեսչությունում նշում են, որ Ռուսաստանի մյուս օդանավակայանները, այդ թվում՝ միջազգային, աշխատում են բնականոն ռեժիմով։
Տաթև Ֆռանգյան
