25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Ֆիլիպիններում ուժգին երկրաշարժ է գրանցվել․ կան ավերածություններ
Քաղաքականություն
27.07.2022 | 16:25
Առնվազն երեք մարդ է զոհվել չորեքշաբթի՝ հուլիսի 27-ին, Ֆիլիպինների Աբրա նահանգում տեղի ժամանակով 08:43-ին տեղի ունեցած երկրաշարժի հետևանքով։ Ամերիկյան սեյսմոլոգիական ծառայության տվյալներով 7,0 մագնիտուդով երկրաշարժը մի քանի սողանքների և շենքերի փլուզումների պատճառ է դարձել նահանգի մայրաքաղաք Բանգեդեում և հարակից երկու նահանգներում: Վերջին անգամ տարածաշրջանում այսպիսի ուժգնությամբ երկրաշարժ գրանցվել էր 2019թ.-ին, գրում է DW-ի ռուսական ծառայությունը։
Այս պահին հայտնի է 60 վիրավորի մասին։ Ստորգետնյա ցնցումները տեղ-տեղ ավերել են ճանապարհներ, իսկ Բանգեդի թաղամասերի մի մասը մնացել է առանց էլեկտրականության և ինտերնետի։ Մայրաքաղաքում մետրոն դադարեցրել է աշխատանքը, իսկ Սենատի շենքից մարդկանց տարհանել են։ Ֆիլիպինների սեյսմոլոգիական ինստիտուտը ցունամիի նախազգուշացում չի տվել։
Տաթև Ֆռանգյան
