09.10.2026 | 23:15
ԿԸՀ-ն արձագանքել է Հրազդանի ընտրատարածքում դիտորդի մասնակցությամբ միջադեպին
Հայտնի են Փարիզի օլիմպիական խաղերի ժամկետներն ու տոմսերի գները
26.07.2022 | 16:19
Միջազգային օլիմպիական կոմիտեի (ՄՕԿ) պաշտոնական կայքում հայտնվել է Փարիզի Օլիմպիական խաղերի տոմսերի մասին տեղեկատվություն․ գրում է armsport-ը։
Ըստ կազմակերպիչների՝ կվաճառվի մոտ 10 մլն տոմս։ Պաշտոնական վաճառքը կմեկնարկի այս տարվա դեկտեմբերին։ Դրանցից ավելի քան մեկ միլիոնը կվաճառվի 24 եվրո գնով, բոլոր տոմսերի մոտ կեսը՝ 50 եվրոյով, մյուս երրորդը՝ 100 եվրոյով։
Մնացած 15%-ը կառաջարկվի ավելի բարձր գներով։ Ամենաթանկ տոմսի արժեքը կկազմի մոտ 950 եվրո։
Օլիմպիական խաղերի ծրագիրը ներառում է մրցումներ 32 մարզաձևերում։ Ընդհանուր առմամբ կանցկացվի 329 մրցում։
«Փարիզ-2024» ամառային օլիմպիական խաղերի կազմկոմիտեն ներկայացրել է նաև մրցումների ծրագիրը, մեկնարկի ժամկետներն ու ժամերը:
Առաջին ոսկե մեդալները կխաղարկվեն հուլիսի 27-ին։ Մարզիկները կպայքարեն ձյուդո, սուսերամարտ, հեծանվավազք, սքեյթբորդինգ, լող, ջրացատկ, ռեգբի և հրաձգություն մարզաձևերում:
Օլիմպիական խաղերի եզրափակիչ օրը՝ օգոստոսի 11-ին, մեդալներ կխաղարկվեն ըմբշամարտում, աթլետիկայում (մարաթոն), ծանրամարտում, բասկետբոլում, ջրագնդակում, հեծանվավազքում, հնգամարտում և հանդբոլում:
Փարիզի ամառային օլիմպիական խաղերը կանցկացվեն 2024 թվականի հուլիսի 26-ից օգոստոսի 11-ը։
