28.02.2026 | 12:02
ՀՀ գլխավոր հյուպատոս Աննա Ավետիսյանը հանդիպել է Ադրին Նազարյանի հետ՝ քննարկելով Հայաստան–Կալիֆորնիա համագործակցությունը
30-ամյա որդուն դանակահարել էր հայրը․ 65-ամյա տղամարդը խոստովանական ցուցմունք է տվել
Հասարակություն
25.07.2022 | 13:55
Հուլիսի 24-ին, ժամը 18.30-ին, ոստիկանություն զանգած 65-ամյա տղամարդը հայտնել էր, որ Արմավիրի մարզի Գայ գյուղի եկեղեցու մոտ քաղաքացու են դանակահարել, որը հիվանդանոց է տեղափոխվել․ տեղեկացնում են ՀՀ ոստիկանությունից։
«Ժամը 18.50-ին հիվանդանոցից հաղորդում է ստացվել, որ դանակահարված վիճակում բուժօգնության է ընդունվել 30-ամյա Գաբրիել Մ.-ն, որը, գիտակցության չգալով, մահացել է:
Մեկնած օպերատիվ-քննչական խումբը պարզել է, որ վիճաբանության ժամանակ երիտասարդին դանակահարել էր 65-ամյա հայրը, ինչից հետո զանգել էր ոստիկանություն:
65-ամյա տղամարդը տվել է խոստովանական ցուցմունք: Նա ձերբակալվել է:
Նախաձեռնվել է քրեական վարույթ»,- ասված է հաղորդագրությունում։
