22.04.2026 | 13:00
ՌԴ ԱԽ-ն հայտարարել է, թե ԵՄ-ին անդամակցելով՝ «Հայաստանը կկորցնի իր ՀՆԱ-ի 23 տոկոսը»
Իսրայելը խնդրել է ԱՄՆ-ին ճնշում գործադրել Թուրքիայի վրա՝ Սիրիայում քրդերի դեմ նոր ռազմական գործողություն չսկսելու համար
Քաղաքականություն
22.07.2022 | 09:45
Իսրայելը վերջին շաբաթներին գաղտնի լոբբինգ է իրականացրել Բայդենի վարչակազմում, որպեսզի ճնշում գործադրվի Թուրքիայի վրա՝ չներխուժելու Հյուսիսային Սիրիա քուրդ զինյալների դեմ հերթական ռազմական գործողության սկսման համար: Այս մասին Axios-ին հայտնել է իսրայելցի երկու պաշտոնյա։
Սա Թուրքիայի և Իսրայելի համար, որոնք հարաբերությունների կարգավորման գործընթացում են, զգայուն պահ է: Իսրայելը սիրիական քրդերին համարում է դաշնակիցներ՝ ընդդեմ Սիրիայում իրանական ազդեցության աճի և արդեն մի քանի տարի աջակցում է նրանց, ինչպես դիվանագիտական, այնպես էլ այլ միջոցներով:
Աղբյուրը նշել է, որ Իսրայելի ազգային անվտանգության հարցերով խորհրդական Էյալ Հուլաթան ամերիկացի գործընկեր Ջեյք Սալիվանին ասել է, որ թուրքական նոր ներխուժումը Սիրիայի հյուսիսում երկարաժամկետ հեռանկարում կարող է օգուտ բերել Իրանին։ Այս ուղերձը ԱՄՆ-ին փոխանցել են իսրայելցի մի քանի այլ պաշտոնյաներ ևս։ Իսրայելի վարչապետի գրասենյակը հրաժարվել է մեկնաբանել այս տեղեկությունները։
Հիշեցնենք, որ հուլիսի 19-ին Թեհրանում տեղի էր ունեցել Սիրիայի հարցով Իրանի, ՌԴ-ի ու Թուրքիայի նախագահների եռակողմ գագաթնաժողովը։
Էմմա Չոբանյան
