13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Պուտինն ու Ռաիսին քննարկել են տարածաշրջանային զարգացումները
Քաղաքականություն
19.07.2022 | 19:33
Երեքշաբթի կեսօրին Իրանի մայրաքաղաք ժամանած ՌԴ նախագահ Վլադիմիր Պուտինը հանդիպել է իր իրանցի գործընկեր Իբրահիմ Ռաիսիի հետ, գրում է Մեհր լրատվական գործակալությունը։
Հանդիպման ընթացքում երկու նախագահները քննարկել են տարբեր ոլորտներում հարաբերությունների հետագա ընդլայնումը, այդ թվում՝ էներգետիկ, տարանցման և առևտրային ոլորտներում, ինչպես նաև տարածաշրջանային զարգացումները։
Ռաիսին հանդիպման ժամանակ հայտարարել է, որ «մինչ այլ երկրներ պնդում էին, թե պայքարում են ահաբեկչության դեմ, Իրանն ու Ռուսաստանը հավատարիմ մնացին իրենց խոստմանը և իսկապես պայքարեցին ահաբեկչության դեմ»։
ՌԴ նախագահն իր հերթին գոհունակություն է հայտնել Իրան կատարած այցի կապակցությամբ և ասել, որ երկու երկրների հարաբերությունները կտրուկ զարգացել են։
«Մեր համագործակցությունը տարբեր ոլորտներում շատ է զարգանում, արագ զարգանում են առևտրային հարաբերությունները»,- ասել է Պուտինը։
ՌԴ նախագահը նաև ասել է, որ երկու ժողովուրդների միջև համագործակցությունն անվտանգության ոլորտում նույնպես կավելանա։
Ռուսաստանի նախագահը Թեհրան կատարած այցի ընթացքում կմասնակցի նաև Աստանայի գագաթնաժողովին՝ Իրանի եւ Թուրքիայի նախագահների մասնակցությամբ։ Իրանցի գործընկերոջ հետ հանդիպումից հետո ՌԴ նախագահը մեկնել է Իսլամական հեղափոխության առաջնորդ այաթոլլա Ալի Խամենեիի հետ հանդիպման։
Տաթև Ֆռանգյան
