25.03.2026 | 14:33
Տեղեկատվական համակարգերի կարգավորման հանձնաժողովի նախագահն ու անդամները կընտրվեն
Իրանը դեմ կլինի Հայաստանի հետ սահմանը փակելու քաղաքականությանը․ Խամենեին՝ Էրդողանին
Քաղաքականություն
19.07.2022 | 16:27
Իրանի Իսլամական Հանրապետության բարձրագույն հոգևոր առաջնորդ Ալի Խամենեին Թեհրանում Թուրքիայի նախագահ Ռեջեփ Թայիփ Էրդողանի հետ հանդիպմանն անդրադարձել է Հայաստանի հետ հարաբերություններին և ԼՂ հակամարտությանն առնչվող խնդիրների։ Խամենեին, ըստ էության նկատի ունենալով «Զանգեզուրի միջանցքի» մասին թուրք-ադրբեջանական թեզերը, հայտարարել է, թե Իրանը դեմ կլինի Հայաստանի հետ սահմանը փակելու քաղաքականությանը, փոխանցում է ԻՌՆԱ գործակալությունը։
Իսլամական Հանրապետության ղեկավարը, ըստ գործակալության, «գոհունակություն հայտնելով Ղարաբաղը Ադրբեջանին վերադարձնելու կապակցությամբ», ասել է.
«Եթե Իրանի և Հայաստանի միջև սահմանը փակելու քաղաքականություն լինի, ապա Իսլամական Հանրապետությունը դեմ կլինի նման որոշմանը, քանի որ այս սահմանը հազարավոր տարվա վաղեմություն ունեցող հաղորդակցության ճանապարհ է»:
Խամենեին նաև շահավետ է համարել տարածաշրջանում Իրանի և Թուրքիայի միջև համագործակցության զարգացումը` նշելով, որ Իրանն ու Թուրքիան դժվար ժամանակների բարեկամներ են:
Տաթև Ֆռանգյան
