28.07.2026 | 09:45
Վթարային ջրանջատում Լոռու մարզում
Ռադան պաշտոնանկ է արել Ուկրաինայի անվտանգության ծառայության ղեկավարին ու գլխավոր դատախազին
Քաղաքականություն
19.07.2022 | 16:10
Ուկրաինայի Գերագույն ռադան Իվան Բականովին ազատել է Ուկրաինայի անվտանգության ծառայության ղեկավարի պաշտոնից։ Ավելի վաղ նա Ուկրաինայի նախագահ Վլադիմիր Զելենսկու որոշմամբ ժամանակավորապես հեռացվել էր պաշտոնից, գրում է BBC-ի ռուսական ծառայությունը։
Ավելի ուշ Զելենսկին Ռադա է ներկայացրել Բականովին պաշտոնանկ անելու առաջարկը։
Պաշտոնանկ է արվել նաև Ուկրաինայի գլխավոր դատախազ Իրինա Վենեդիկտովան. ինչպես Բականովի դեպքում, Զելենսկին նախ նրան հեռացրել է պաշտոնից, ապա Ռադա է ներկայացրեց պաշտոնանկության առաջարկը։
Զելենսկին պաշտոնանկությունները բացատրել է Ուկրաինայի դատախազների և անվտանգության ծառայության աշխատակիցների շրջանում դավաճանության դեպքերի աճով։
Բականովը 2019 թվականի օգոստոսից աշխատել է որպես Ուկրաինայի անվտանգության ծառայության ղեկավար, իսկ մինչ այդ եղել է «Ժողովրդի ծառա» կուսակցության նախագահը։ Բականովը Զելենսկու մանկության ընկերն է։ Զելենսկիի նախագահական քարոզարշավի ժամանակ նա ղեկավարել է նախընտրական շտաբը։
Տաթև Ֆռանգյան
