17.11.2024 | 11:16
Արտարժույթների փոխարժեքները՝ նոյեմբերի 17-ի դրությամբ
Կենսաթոշակային տարիքը լրանալու հիմքով աշխատանքային պայմանագիրը լուծելը իրավաչափ չէ․ Գենյա Պետրոսյան․ ՏԵՍԱՆՅՈՒԹ
Հասարակություն
18.07.2022 | 17:41
«Գործընկերություն հանուն բաց հասարակության» նախաձեռնությունը, Բաց հասարակության հիմնադրամներ-Հայաստանը և Հայաստանում Եվրոպական Միության պատվիրակության գրասենյակը կազմակերպել են «Աշխատողների հզորացումն աշխատանքային բարեփոխումների միջոցով» քննարկումը։
Քննարկման են ներկայացված ՀՀ-ԵՄ միջև Համապարփակ և ընդլայնված գործընկերության համաձայնագրի (ՀԸԳՀ) իրականացման քաղաքացիական հասարակության համատեղ մշտադիտարկման շրջանակում իրականացված առաջարկները։
«ՀՀ Աշխատանքային օրենսգրքում փոփոխությունների և լրացումների փաթեթն ուղղված է աշխատանքային օրենսդրության համապարփակ վերանայմանը»,- այս մասին նշեց Իրավունքի զարգացման և պաշտպանության հիմնադրամի նախագահ Գենյա Պետրոսյանը՝ անդրադառնալով վերամշակված նախագծի շրջանակներում առկա մի քանի առանցքային խնդիրների:
Նրա դիտարկմամբ՝ խնդիրների մի մասը բխում է գործող աշխատանքային օրենսդրությունից: «Նախագծով որևէ անդրադարձ չի կատարվել կենսաթոշակային տարիքը լրանալու հիմքով աշխատանքային պայմանագրի լուծման հետ կապված կարգավորման վերաբերյալ:
Կենսաթոշակային տարիքը լրանալու հիմքով աշխատանքային պայմանագիրը լուծելը իրավաչափ չէ, այս կարգավորումը հակասում է Եվրոպական սոցիալական խարտիայի դրույթներին»,- ընդգծեց Պետրոսյանը:
Մանրամասները՝ տեսանյութում:
