Հասարակություն
05.10.2026 | 15:55
ՄԻՊ ներկայացուցիչները հոկտեմբերի 5-ին այցելել են «Սուրբ Գրիգոր Լուսավորիչ» ԲԿ և տեսակցել Շաքիում հրազենային վիրավորում ստացած Անի Ավետիսյանին՝ ծանոթանալով նրա բժշկական օգնության և սպասարկման իրավունքի ապահովմանը։
ՄԻՊ-ի հաղորդագրությունը՝ ստորև․
«Մարդու իրավունքների պաշտպան Անահիտ Մանասյանի հանձնարարությամբ ՄԻՊ ներկայացուցիչները հոկտեմբերի 5-ին հերթական այցն են իրականացրել «Սուրբ Գրիգոր Լուսավորիչ» բժշկական կենտրոն և տեսակցել Սյունիքի մարզի Շաքի բնակավայրում տեղի ունեցած դեպքի հետևանքով հրազենային վիրավորում ստացած Անի Ավետիսյանին:
Պաշտպանի ներկայացուցիչները տեղում ծանոթացել են կնոջ բժշկական օգնության ու սպասարկման իրավունքի ապահովմանն առնչվող հարցերին:
Անի Ավետիսյանի և նրա երեխաների իրավունքների և տվյալ դեպքի հետ կապված իրավունքներին վերաբերելի բոլոր հարցերը գտնվում են Մարդու իրավունքների պաշտպանի անմիջական ուշադրության ներքո և հասցեավորվում են ըստ իրավասության։
Հիշեցնենք, որ Մարդու իրավունքների պաշտպան Անահիտ Մանասյանը` ՄԻՊ ներկայացուցիչների ուղեկցությամբ հոկտեմբերի 3-ին այցելել էր «Սուրբ Գրիգոր Լուսավորիչ» բժշկական կենտրոն՝ տեղում ուսումնասիրելու հրազենային վիրավորում ստացած Անի Ավետիսյանի բժշկական օգնության ու սպասարկման իրավունքի ապահովմանն առնչվող հարցերը»։
Հիշեցնենք՝ հոկտեմբերի 1-ին Ադրբեջանի զինծառայող Նասիմի Մուսաևը, ապօրինի հատելով ՀՀ պետական սահմանը, մտել էր Շաքի բնակավայրի տներից մեկը և հայտնաբերվելուց հետո կրակել տան բնակչուհու՝ Անի Ավետիսյանի վրա՝ վիրավորելով նրան։ Մուսաևը դեպքից հետո փախել էր, սակայն ավելի ուշ հայտնաբերվել և ձերբակալվել էր։ Դատարանը նրա նկատմամբ կալանք է կիրառել։
