26.11.2024 | 12:29
ԱՄՆ-ում Դոնալդ Թրամփի դեմ երկու քրեական գործ է կարճվել
Մեծ Բրիտանիայում ԱԹՍ-ներով դեղամիջոցներ ու փաթեթներ կառաքեն
Քաղաքականություն
18.07.2022 | 18:35
Մեծ Բրիտանիան կառուցում է ԱԹՍ-ների համար նախատեսված աշխարհի ամենամեծ մայրուղին՝ 264 կիլոմետր երկարությամբ։ Դրա համար ավելի քան 12 մլն ֆունտ կհատկացվի, հայտնում է BBC-ն։
Նշվում է, որ Skynet նախագիծը պետք է իրականացվի առաջիկա երկու տարվա ընթացքում։ Մայրուղին կմիացնի անգլիական Ռեդինգ, Օքսֆորդ, Միլթոն Քեյնս, Քեմբրիջ, Քովենթրի և Ռեգբի քաղաքները։
Տեխնոլոգիան օգտագործում է մայրուղու երկայնքով տեղադրված ցամաքային սենսորներ, որոնք թույլ են տալիս իրական ժամանակում տեսնել, թե օդային տարածքում որտեղ են գտնվում անօդաչուները։ Այս տվյալներն այնուհետև վերլուծվում են երթևեկության կառավարման համակարգի միջոցով, որն ուղղորդում է դրանք երթուղիներով և կանխում դրանց միջև բախումները:
Նշվում է, որ Skynet-ը բրիտանական կառավարության օդատիեզերական ծրագրերի փաթեթի մի մասն է, որի ընդհանուր արժեքը կազմում է 273 մլն ֆունտ ստեռլինգ։ Ծրագրի շրջանակներում կյանքի կկոչվի նաև ԱԹՍ-ներով փաթեթներ և դեղամիջոցներ առաքելու նախագիծը:
Տաթև Ֆռանգյան
